Kung last year ay wala halos masyadong TV series na naipalabas kasama si Derek Ramsay, this year ay halos sunud-sunod o magkakasabay ang mga show na kinabibilangan niya. Si Derek din kasi ang bidang lalaki sa Precious Hearts Romances (PHR) Presents"Ang Lalaking Nagmahal Sa Akin" opposite Toni Gonzaga.
"Sobra! Sobrang thankful talaga ako! Siyempre sa ABS-CBN, inaalagaan talaga nila ako. Yung 2008, medyo hindi ako nakita sa TV, ngayon naman, nagsasabay-sabay na. It's all worth it," nakangiting pahayag ni Derek sa PEP (Philippine Entertainment Portal).
Ang Habang May Buhay kasi nila ni Judy Ann Santos ay hindi pa rin naipapalabas hanggang ngayon.
Sabi pa ni Derek, "Excited ako rito sa PHR, kasi it's a light drama, light comedy kasi. Hindi pa ako masyadong nakakapag-comedy."
Paano ang schedule niya dahil literal na sabay-sabay halos ang mga seryeng ginagawa niya?
"It's hard...it's hard," pag-amin niya. "Literal na hindi na ako natutulog. I tried to catch sleep sa auto, sa car. Sacrifice. Hindi ko na nakikita pamilya ko, hindi na ako nakakalaro ng sports. Pero, kinakaya naman."
WORKING WITH TONI. First time daw nila ni Toni na magkatrabaho kaya tinanong namin si Derek kung kumusta naman ang kanilang pagtatrabaho.
"I've worked with Toni in ETK [a defunct showbiz talk show], a long time ago. Hosting nga lang. Tapos sa Maging Sino Ka Man, nandoon kami pareho, pero hindi kami nagkatrabaho. So, first time talaga namin ngayon to work with each other," saad ni Derek.
Anong ine-expect niya sa pagsasama nilang ito ni Toni?
"Spontaneous si Toni and I'm a spontaneous guy also. I'm looking forward on acting with her on the set, kasi marami siyang adlib. Marami siyang...she's very articulate. She has a lot to say, so excited ako na sabayan yun."
Isa ba si Toni sa mga gusto niyang makapareha even before?
"I'm always open to be partner with anyone. I believe that I can learn things from anybody. I want to work and meeting people to develop my career, so I'm really excited."
TIME FOR ANGELICA. Aminado nga si Derek na ultimo pamilya niya, halos hindi na niya nakikita dahil sa hectic ng schedule niya ngayon. What about his girlfriend Angelica Panganiban, may time pa ba sila sa isa't isa?
"Yung relationship namin ni Angel, everything is going perfect," sabi ni Derek. "Yun nga lang, yung oras sa isa't isa. But if you think about it, you get it out of the way, may babalik din na oras na you'll spend with each other."
Hindi ba nagiging isyu sa relasyon nila ang kakulangan ng oras?
"No, we support each other. She's happy that I have this work.... Career wise, we're both happy. But, of course, we want to have more time sa isa't isa."
Sabi ni Angelica, hindi raw siya selosa. What about Derek?
"No," sagot niya. "Actually, si Angel, noong umpisa, siya ang selosa. Pero sa relationship kasi, we trust each other. Yung pagseselos, masama 'yan, e. It shows that you don't trust one another."
Sa ngayon, masasabi ni Derek na masaya pareho ang kanyang career at lovelife. Kung kaya't puwede niyang pasinungalingan ang kasabihang "happy sa career, malas sa lovelife."
"I'm happy. The relationship is happy. Yun nga, e. We know each other so well na kapag nagtatrabaho pa kami, mas mahirap. Gumagawa kasi kami ng movie. Kilala ko siya. So kapag umaarte kami ng iba, parang nawi-weirduhan ako.
"So, si Angel, minsan magtatanong pa sa akin 'yan bago kung ano ang gagawin niya. Pero ngayon, alam na niya kung ano ang sasagutin ko, kung ano ang gagawin ko. Ganoon na ang level namin ngayon.
"It's good din that we don't have time for each other because we miss each other. So there's still some sort of mystery between the two of us. Right now, I can say that I am really happy with the way things are going."
Hindi pa ba nila napag-uusapan ang kasal?
"We mention it once in a while," pag-amin niya. "Pero wala pa rin naman kaming pinaplano or let's say 100 percent serious about. Sometimes, masarap pag-usapan lang din, di ba? We'll see...marami pa kaming planong gawin."
THE BIG TRIP. Kinumpirma rin ni Derek ang plano nila ni Angelica na pagpunta ng South Africa next year.
"Yes, 2010, yun ang big trip namin. She's excited to go. We're going to watch World Cup. I'm half-English, so we're gonna support England. Wala kasi ang Pilipinas sa World Cup, pero kung nandoon yun, susuportahan din namin yun. England's there, so we're gonna go there. Then, travel around South Africa. Magsu-swimming kami with the great white shark, sky dive... Ipapakita ko sa kanya yun at game naman siya."
Para kay Derek, malaking tulong daw sa relasyon nila ni Angelica ang paglalakbay nila.
"Sobra! Kasi, we can just let go of what we do and spend time with each other. Kapag nandoon kami, we're just normal people. Enjoy each other's company. At saka malaki, mga fifteen kami dun.
"Maghahanap nga kami ng trabaho dun. Maybe we'll work in a farm or something. Plano namin mga two to three weeks and work in a farm. Habang ine-enjoy namin ang games, may ginagawa kami," lahad ng model turned actor.
LEADING MAN. Parang nailang naman si Derek nang may manghingi ng reaction niya kung ano raw ang masasabi niya na isa siya sa maituturing na top leading men ng Kapamilya network.
"Wow! It's humbling, but I don't feel that I'm there. Marami pa akong kakainin. And, of course, when people say that to me, it puts a big smile on my face. Sometimes my head expands, pero like I said, ang dami ko pang kailangang gawin at i-prove to be tagged as that. Right now, I'm learning from my directors and my co-actors. Sana one day, I'd love to be called like that," pagtatapos ni Derek.
No comments:
Post a Comment